قصيدة غنائية شعبية تحت عنوان{{أنا نفسى أصدق}} بقلم الشاعر المصري القدير الأستاذ{{محمد البريمى}}

 شعر غنائى ..

(( أنا نفسى أصدق ))

أنا نفسى أصدق إنك ..  بتحبينى قد م بحبك ..

إدينى بس دليل واحد .. يبرهلى على حبك ..

دى كل ألاعيبك  مكشوفه .. لو تمثلى دور العاشقه الملهوفه ..

أنا مش خايل عليادموعك .. دي حيله بتدارى بيها كدبك ..

          أنا نفسى أصدق ..

كل يوم بأكتشف كدبه جديده .. و أقول صدقها المره دى ..

و إنتى بتزيدى و تحرقى ف دمى .. و دا بالنسبالك شئ  عادى ..

قوليلى إذاى أصدقك تانى .. ونا لسه من جرحى بأعانى ..

تطعنينى ف قلبى بسيف الخداع .. و عايزانى أقولك تسلم الأيادى ..

         أنا نفسى أصدق .. 

يا خسارة الوقت الوقت اللى .. ضاع .. ف كتابة الحروف ..

عشان أثبتلك مدى حبى و إشتياقى .. رغم كل الظروف ..

و إنتى مشغوله عنى بهواكى .. أحلامك ديمآ كده سبقاكى ..

م يهمكيش أتألم أو أتندم .. مدام معجبينك بالألوف .. 

         أنا نفسى أصدق ..

بقلم الشاعر الغنائى ..

محمد البريمى ..