آه يا دمعتي يالي واجعاني
يا عيني يا سهرانة
ومسهراني
زي ماتكوني بتحكي
على لساني
انا برضو أمي سايباني
وبنادي عليها ألف مرة
و بردو مابتجيش
كل الناس فرحانة يامه إلا أنا
الفرح ما يعرفنيش
بردانة يا أمي من غيرك
وكل الأحضان بعد حضنك
ما بتدفيش
أحلم فليلي إني لاقيتك
واصحى الصبح ما بلاقيكيش
نفسي فالميه من إيدك
أو لقمة عيش
لو كل الناس تحضن قلبي
مايكافونيش
لو كل الدنيا دي وياي
غيرك ماليش
وأيامي بقت بعد رحيلك
سراديب ظلّمه
اتملت خفافيش
مش عارفة ازاي يما فبعدك .
أنا هاقدر أعيش .
شفتي ياعيوني .
اهي غيبة أمي
الي مبكياني
ومن النوم والهنا ..حارماني
وف همّي وأساي مغرقاني
والناس الي هي معاشراني
مابتلومنيش.
زينب الكريضة
المغرب
ليست هناك تعليقات:
إرسال تعليق