رباعيات الخص
(0 رباعيات الخص 0)
سيبوني أبيع الخــــــــــــص
خلونـــــــــــــي أربـي العيال
أفضل مـــــــــــــــــاأبأه لص
وللا امشي فــى البطـــــــال
***
وليه تحـــــــــــاربو الشريف
اللى واكلهـــــــــــــــــا بعرق
وتسيبو ليـــــــه السخيــــف
اللى فى مالنـــــــــــــا سرق
***
زمن وفيـــــــــه العجــــــب
وماشى بالمقــــــــــــــــلوب
سقينا مـُــــــــــــــــــر ولهب
ومزوأ المعيوووووووووب
***
واللى مالهــــــــــــــش ضهر
علـــــــى بطنه بأه مضروب
متهان فى عز الضـُـــــــْهـــر
أما الواصـــــــــــل محبوب
***
كأننا ف جاهليـــــــــــــــــــة
قبل ظهــــــــــور الإســـــلام
للأقـــــــوى الأولويـــــــــــة
أما الضعيف إعــــــــــــــدام
***
يادنيا قلبـــــــــــــى استوى
واجيب دواكـــــى منيــــــن
لفيت مــــــــــــاشفتش دوا
الا دموع العيــــــــــــــــــــن
***
يارب انت الأمــــــــــــــــــل
احنا خـــــــــــلاص عاجزين
الظلم فينــــــــــــــــا إكتـمل
ونشكـــــــــى لغيرك ميـــن
0 0 0
رباعيات
شاعر الإحساس
رضاعبدالحميد
ليست هناك تعليقات:
إرسال تعليق