ب أحلم
......
ب أحلم إني أعيش مرتاح
نفسي ياخلق في خمسة هدوء ؟؟
نفسي أعيش يومين مع نفسي
نفسي لطعم الراحة أدووء
نفسي اصالح روحي لروحي
نفسي انام واريح روحي
واعيش الحلم واداوي جروحي
قبل ما افوووء
نفسك انت في خمسة هدوء ؟؟
طب ايدي في ايدك
بينا ع السوووء
يمكن نلقى هناك معروض
بس انت حاسب لي...
الحالة ضنك وأخوك مزنووء
وإن مالقينا هناك معروض
ها نسيب روحنا هناك في السوء
هناك في الزحمةيمكن تطلع..
تطلع فوووء
يمكن تطلع كده في هدووووء....
وننسى الدنيا وننسى شقاها
وننسى همومنا هناك وياها
ونهرب منها نتوه في الزحمة
بس هاسيب التارة وهاركن
أصلي يا صاحبي
معرفش اسوووء
تعرف بس تقوللي يا صاحبي
أمتى الدنيا
اومال هاترووء
وامتى يا صاحبي البال يرتاح
ونعيش فيها
يومين في هدوووء
طبعا عارف ردك جاهز
هاتقوللي الراحة يا صاحبي هناك !!
هناك في الآخرة
لما الروح تفارقنا وتطلع!!
تطلع فوووء
مجدى زياده.
ليست هناك تعليقات:
إرسال تعليق