قصيدة غنائية شعبية تحت عنوان {{و الله بحبك}} بقلم الشاعر المصري القدير الأستاذ{{محمد البريمى}}

شعر غنائى ..

(( و الله بحبك ))

و الله بحبك يا نبى .. و إنت ف القلب و العين ..

و نفسى أزورك يا نبى .. و اصلى ف الحرمين ..

و أطوف بالكعبه ميت مره .. و أطفى أشواقى الحاره ..

جودلى و حياتك بنظره .. تسترنى ف الدارين ..

        و الله بحبك يا نبى

نفسى أجيلك و أرتمى ف حضنك .. و أفضل أبكى لما تسيل الدموع ..

ونا بأتمنى يا سيدى اليوم ده .. اللى أشكيلك من حالى الموجوع ..

أنا فلبى إشتكى من كتر الذنوب .. و إنت يا حبيبى طبيب القلوب ..

ونا عاصى و نفسى أتوب .. والتوبه دى شئ مشروع ..

        و الله بحبك يا نبى

مين يشفعلى ف الآخره غيرك .. يا رسول الإنسانيه يا رمز الوفاء .. 

مهما بلغت ذنوبى و الخطايا .. عنان السماء .. 

إنت الحبيب الشفيع .. و إنت الحصن المنيع ..

مقامك عالى و رفيع .. يا أبو العيون السوداء ..   

        و الله بحبك يا نبى

بقلم الشاعر الغنائى ..

محمد البريمى ..