"يا بو الزلوف"
هيهات يا بو الزلوف
عيني ويا مُوليَّ
لبنان يا قطعة سما
بقلبي و عينيَّ
يا حروف صعبي نترجما
ابّصمي فينيقيّة
والدول شافوا مبسما
عربية وعجميّة
قالوا مكتوبي بحبر
مسحورة جنّيّة
وتعاونوا يا بو الزلوف
مع شلّة حراميّة
وخربشت صابيعن عالسما
بليلة رومانسيّة
وراحت يا بو الزلوف
عليك وعليَّ
هيدا الوطن إبني
وبنتو أنا وهيّ
ما فيك بالجوع تقتلني
ولا تدفع الديّة
رح ضل بفي الأرز صلّي
وإخلُص النيّة
بركي مْنُوْعى شي يوم
ومنشم حرّيّة
ويا بو الزلوف بتعود
عيني ويا موليّ
فاطمة البلطجي
لبنان /صيدا
ليست هناك تعليقات:
إرسال تعليق