##خيال_أهبل##
ليه يا فرح متداري
ومتخبي ف مليون توب
ومش راضي كما نهاري
تطلع دا احنا لسه يدوب
بنقول يارب يا هادي
تغفر ما ارتكبنا ذنوب
غالي ياضحك ليك كام عام
تايه بينا ف سكة زحام
كما رغيفنا عزيز جدا
ومش لاقينه بحدف الطوب
اطلع يافرح من جحرك
لأحسن بالله كدا ازعل
وهجيب صحابي كمان تزعل
وتبقي الجاني ع اللي هيجري
وع اللي هيحصل
خليك واعي تعالي راضيني
قبل حسابك عندي ما يتقل
وتبقي العركة بيني وبينك
بين انسان وخيال اهبل
✍️#محمد_فتحي_الشيمي
ليست هناك تعليقات:
إرسال تعليق