###جربت_تموت###
&&&&&&&
جربت تموت 2000 مرة
علي لقمة عيش
جربت تشوف نظرة عينك
تتمني تعيش
تترجي تعافر من ....... فر
بيقولي مفيش
طب عايش ليه ؟
جربت تشوف دمعه ابنك
مش عايزة تطيب
يتمني الحلم يدوب لعبة
ومنين هتجيب؟
تقطع من لحمك تديله
ولا يبكي ف يوم
بس دا كله ما هيكفي
الدمعه تغيب
طب عايش ليه ؟
فأنا راضي فيكي اكون تايه
وابقي الغريب بدون احباب
معادش شئ بيوجعني
دا نعمه قريتها
زمان ف كتاب
كتر الوجع طمس الملامح
ع الوشوش
خلي العيون السودا بيضا
ولا يشوفوش
حضن الوطن بيقلع الروح
م الضلوع.
مليانه خير .وغير م الجوع
مكتوب يصوع
بنعيش لغيرنا لكن زماننا
مابنعيشوش
اتعودنا فيكي علي الردي
فلو جانا الحلو ما بنحبوش
منعرفهوش
فأنا راضي اكون فيكي
كائن مهزوم ..
بحبك قد ماكرهتك حب
العاشق المحروم
بيتمني تحني
ومش لاقي لجرحه طبيب
بيرمي روحه في احضانك
ويقين شمسك ولا بتيغيب
مانتي الوجع وانتي الدلع
وانتي الجدع
حامي البنات
ويملا المدافع بالدانات
و ما بتعرف عيونه النوم
انتي القادوس جوا المصانع
انتي الادان فوق الجوامع
صوت جرس جاي م الكنيسة
برق صاعق م الغيوم
ولو ف يوم حد يفكر يوجعك
تفديكي روحنا. وروح ولادنا
و علينا راضية
يبات ف حضنك
كل يوم مظلوم
#محمد_فتحي_الشيمي
ليست هناك تعليقات:
إرسال تعليق