##المكالمة_٤##
ألووو
،،،،،،،
وفُتّني لا حس ولا خبر
كل ليله بقول هييجي
مستني ايه ؟
مستني يكمل القمر
كل ليله ابص في السما
وارجع تاني ابص ف الصور
واشوف عينيك كما العاشقين
وجوا القلب تتحفر
الووو،،
كل اللي يشوفني يعرف
اني بهواكي
ما نفع الصمت ولا حيلة وياكي
بشوفك بسمعي وعينيا سامعاكي
فبغزل من الاحزان فل للشاري
وببيع الورد لكل عزالي
ما هو انتي غزَّالي
وغزلالي الشال والعمة والقفطان
واحلف بأني ماعشقت قبلك
وعلي ايدك اميت الحب والريحان
وشفت من بنات الانس
ملّو العين والبتارين
ولا يملا القلب قبل العين
غيرك انتي ياست الفرح
والاحزان
عارفة كمان .
لا خلاص يكفي ماكان
الووووو
،،
يجبر بخاطرك .. ست البنات !
والله وحشاني من دا حكايات
يا شاطر حسن يا امير العشق
مجازك بهرني والتوريات
،،
الوووو ،
عارفة الأسف
وعارفة ايه فيا اتنسف
بشكل مخيف
ضاعت حياتي ف التسويف
ما بين لحظة لرد الفعل
وبين بكره اكيد هعمل
اكيد يقوي مالقلب ضعيف
الوووو ،،
وعارفة كمان
اللي يخلي الروح تتهان
بندي الامان
لما نقول . علي دول
اصحاب
اوعي تأمن مره ف يوم للي يقولهولك
كام من صاحب
ساحب شاحب
جه علي بابك
حط السم ف حضن الشهد وشربهولك
ايوه الشر مايجي في قلبك
غير ماللي فاكرهم احبابك
الوووووو ،،
عارفة يا عشقي
ياللي ماعشقت روحي سِواكي
سبحان من زرعك قلبي
وجوا العين بجميل سّوَاكي
عارفه الفرقه جات م الغيرة
جات تكشيرة
جات تأشيرة بعدم اكتمال
الشوق ف هواكي
جات من اقرب ناس عارفاها
اللي سماها
سواد من الأصلي
في كل سبيل كات تتربصلي
وبترقصلي
اني ما هتهني يوم ف هواكي
✍️#محمد_فتحي_الشيمي
ليست هناك تعليقات:
إرسال تعليق