انا موافق.واي شيء هيرضيني
وواهب عمري علشانك.
اناموافق.
يا فرحة عمري وسنيني.
هكون راحتك وامانك.
المهم اكون انا جنبك.
حتى لو لون في فنجانك.
انا موافق.
نفسي أكحل عيون القلب بحنانك.
نفسي أكون نسيم محيطاتك وخلجانك.
حتى لو حلق زينة في ودانك.
انا موافق. طول ما انا لخدك مرافق.
انا موافق.
ولو خرزه بتلمع في فستانك. 👗
انا موافق.
ياست الكون يامجرة بكواكبها.
انا العاشق. . انا الولهان.
انا اللي عيوني بحسدها.
لما تشوفك قصادها.
وتبقي وطنها وبلدها.
حتى لو لحظة في زمانك.
انا موافق.
يا ارض الخير يامليانه حنان.
توت وعنب وشجر رمان.
يا نخل وبلحك دوا
وجريده متحني.
ياورد معطر الهوا
بنسيمه متهني.
حتى ولو شبر في فدانك.
انا موافق.
انا موافق اكون ليكي
كحله ونظره ف عينيكي.
وبسمه فوق شفايفك
وحنه مرسومه على ايديكي.
واكون فرحك ودوا لجرحك.
ولو حرف بينطقه لسانك.
انا موافق
..
كلمات الشاعر / السيد محمد الدالي
ليست هناك تعليقات:
إرسال تعليق