سيما
********
الدنيا دى سيما وكدابة
كراسة مقرية .........
من غير هيصة وكتابة
فيها حكاوى كتير
والقصة معروفة
والبطل يشبه على بابا
فيها كتير تصاوير
باينة من الشبابيك
فيها من الاباليس
على كل لون غامق
طلعه بدور عصافير
غشاشة على الشاشة
وكدابة ونصابة
ترسم ملامحها
من بدرة المكياج
متمكيجة هى
بتمثل العشاق
مدبلجة هى
من صوتك المنسى
مغارة مخفية
والصورة كالصورة
والمخرج لابس
طقية من برا
متفرنجة متفبركة
الحكايات
لبسة جزمة وبدلة من برا
وبالمرة تعالى نشوف
حكاية حلم مستنى
يفتح مغارة منسية
من مشهد غريب اصلاً
ماكنش ينفع فيه على بابا
بقلمي على المحمودى
ليست هناك تعليقات:
إرسال تعليق