وادي النتيجه ياخجيجه.
هم وغم وحجات تحرق الدم.
وافقتك على اللي عيزاه
علشان متزعليش وتنوحي.
و خت جنب وقعدت بروحي.
وادي النتيجه ياخجيجه.
كنا في حالنا يابت الناس.
ايه اللي علينا من وجع الراس.
كان لازم يعني زيطه وزمبليطه.
ورق وطبله.أشربي ياهبله.
دي مجرد شبكه.كنا عملناها ع الضيق.
ووسعنا الدور بعدين. وقتلنا الحسد والعين.
لازم تأمري وتتأمري.
وتقولي كوافير وفستان شبكه.
وتصوير. وتبجكيها.
طاب جنبك خليها وخلليها.
اهو سابها واتحجج بالفلوس.
وطلع واد خايب ومنحوس.
.
والشبكه طلعت شبكه كحله.
ولا طولتي عسل ولا نحله.
واللايمين لامو وشمتو.
والغالي رخص قيمتو.
وجواهر بتك زعلانه.
طارت فرحتها الغلبانه.
وهي قاعده مبوزه قدامك.
وماده البوز شبرين.
كأن ماتلها قتيلين.
لو حد شافها دلوقتي
يقول عندها ميت سنه.
وهي ما كملتش العشرين.
شفتي النتيجه ياخجيجه.
دي اخرت اللي ما يعيشش على قده.
واللي يتنطط على رزقه.
واللي يمد رجله. وهو عارف لحافه قصير.
واللي يزنق نفسه وميعرفش كيف يتدير.
شفتي النتيجه ياخجيجه.
اللي رضي بقليله عاش.
واللي باجكها متهناش.
ولادنا دول هنتحاسب عليهم.
لازم نزرع التقوى فيهم.
ونعلمهم يرضوا بقليلهم.
.
وزي ما قالو زمان.
ان كان رب البيت بالدف ضارب.
يبقى اهل البيت اكيد هيرقصوا.
الحمدلله اللي جات على قد إقده.
وهو عرفنا مين معانا ومين علينا.
قومي فوقي وفطرينا.
وشغلي القرأن ورقينا.
...
...
كلمات الشاعر/ السيدمحمدالدالي
ليست هناك تعليقات:
إرسال تعليق