*#قفل_مضيع_المفتاح*
*******************
انا الدولة .. انا الإنسان
انا مقاوله لشيل رملة
التوهان
انا الدكتور سليل العلم
وبردو فيكي انا العيان
انا الفلاح مالك قوتي
وباعوا العرض بالمجان
بشرب كاسات المُر
بإرادتي
بعد مانسينا طعم الحلو
والريحان
انا الدكتور انا مهندس
انا محاسب
انا فلاح
انا بنا
انا محمد وانا حنا
وقفل مضيع المفتاح
ضرير ما يعرف نور صباح
شلت الطوب علي اكتافي
حارس لاهرامك
كما الددبان
ولا ابتليت ولا كسيت
الروح بلقمة حرام
اولادنا بتحمل اسامينا
لكن ايتام
ف ارضك ملجأ بيسبينا
وللغريب اوطان
وَعدت النفس ابقي كويس
واكررها
وامررها كضي الشمس
علي البردان
لا بقيت ولا كنت
ولا بكره لقيتله ادان
احلام ياما فوق الرف
مرصوصة
بين شخللها والكوسة
وننوسة
بتترقص في مية اعلان
وزحمة فكر بين العدل
والأقصي
ومناقصة لرفع الظلم
والعدوان
علي روحي قريت فاتحة
وعزايا بإيدي
انا خدته وقلت
اهي اخر الأحزان
شكر الله سعيك
ما انا زيك
ساكن
ف دنيا جامعنا صوان
وتالتنا بيرتل علينا
ايات الذكر والقرآن
يأس الروح وظلم الجسد
بينهم برزخ لا يبغيان
انفاس تتعد
وحيل اتهد
علي جنة من سالف
الأزمان
واحط راسي علي
صدر الغربة واتنهد
ماهو مش بإيدي
اخترت ان انا ابعد
بين صحاري العمر
وعيون الناس
طوفان جارف
وبيهدد الغلبان
*#محمد_فتحي_الشيمي*
*مصر*
*ش👁️👁️*
ليست هناك تعليقات:
إرسال تعليق