انتا ياجدع.. تلت التلاته كام.
ودي عايزة فكاكه. وااااااحد.
.
واللي خلق الكون والبشر وااااااااحد.
واللي خلقنا موحدين بيه واااااااحد.
واللي حامينا من العين ومن الجاحد.
واااااااااااحد.
.
ماتصلي على نبينا محمد ووحد الواااااحد.
.
عليه افضل الصلاة واذكى السلام.
نبينا محمد المصطفى مسك الختام.
لا إله الا الله وحده لاشريك له.
مالك الملك ذو الجلال والإكرام.
.
لما تضيق بيك الحياه.
ادعي ربك قول ياالله.
رحمته وسعت كل شيء.
سبحانه الهادي في علاه.
.
يااللي ماشي وكلك ذنوب.
وطريقك مليانه عيوب.
سبحانه رحيم. وساترها معاك.
إرجع إلى ربك وتوب.
.
حياتنا دي مجرد إمتحان.
بالعمل الصالح ناجح الإنسان.
والجنة أكيد في إنتظارنا.
بس إحنا ندعي يارحمن.
..
.. 📏
الشاعر / السيد محمد الدالي
ليست هناك تعليقات:
إرسال تعليق