فيلسوف وبتفلسف كتير
شايل فى كف ايده ودع
مخ الجدع عامل خفير
مسكين ضيع عمره جدع
لا فاهم ولا عارف مصير
دى فلسفة ولا هى ضمير
دى ثرثرة ولا هى أدب
أو فلسفة من نوع خشب
معلول وعلته هى السبب
داير من معضلة فى معضلة
والفلسفة أنواع كتير
إيه المشكلة فى المشكلة
إن الصفيح يتحول دهب
كيميا بتشرح بعضها
كيميا ومسألة هى السبب
معلول وعلة وفلسفة
والشرح اصعب من العجب
يادى الجدع راح الجدع
مسكين قوى تاه الجدع
بقلمي على المحمودي
ليست هناك تعليقات:
إرسال تعليق