#جوا_بير
""""""""""""
وبإيدي انا خبيت مشاعري
جوا بير
يمكن عشان انا عليكي
كتير بغير
لا يجرحك مني الهوا
او ان صوتي يكون
نشاذ
او كما الكحول قوام
يطير
وفضلت قافل ع المشاعر
الف باب
وما كانش قلبي يوم
مساهمة او طرحته
لإكتتاب
ميراث وهبته ليكي
انتي
ربان سفينة 🚢 عشق
خالد
علي البحار وحدك امير
فاتت سنين ورا السنين
لا عرفت احكيلك واقولك
الخجل فكرته خير
لا قلبي سكنه حد تاني
ولا نفختي لعشقي كير
حسيتي اه اكيد بحبي
ورا الف سور عايشة بضمير
ومات الحلم المتعلق
علي شماعتين
شماعة بكرة راح اقولك
علي حب سنين
وشماعة انك هتواربي
لمشاعري الشيش
لا عرفت احارب طواحينك
ف خيال مسكين
ولا شفتك جاية ف احلامي
تقوليلي نعيش
#محمد_فتحي_الشيمي
#مصر
#ش👁️👁️
ليست هناك تعليقات:
إرسال تعليق