قصيدة شعبية تحت عنوان {{ يا قليل الاصل }}بقلم الشاعر المصري القدير الأستاذ{{ محمد الدالي }}

 ياقليل الأصل مش عارف ايه يرضيك. 

ياما اتحملت قلتك وياما ظللت عليك. 

واكل من زرعتي وحبتي. 

وناكر خيري ومحبتي. 

ولا حاجه تامره فيك. 

تشرب من قُللي وتِكسِرها.

والحاجه العِدله تميلها. 

ليه ياغراب . ناوي الخراب. 

وبتنعق ولامم الشر حواليك.

العرق يمد لسابع جد. 

والقِله عندك وراثه. 

كل ما ابني انت تهد. 

وبتعشق الخداع والخباثه. 

والغدر نبعك.والطمع طبعك.

ولا حاجه بتملى عنيك.

يا ابو قلب حاقد وتَعبان.

الكل عارفك ندل وجبان.

وورا ضحكتك غل.

وخير بيموت ويقل.

وانا لإمتا هفضل شاريك.

اللي ناكر خيري هردم عليه.

ولا هعاتبه ولا هسأل فيه.

بلح النخل بعد ما يتجني

لا بيودع نخله ولا بيواسيه.

عنقود العنب بعد ما استوى

راح لوكااله وفات شجره للشمس تكويه.

.

حتى قلوب بعض البشر

بعد ما تشبع من الحنيه.

تجفى وتقسى والحب من جواها ترميه.

..

.....

كلماتي الشاعر/السيدمحمدالدالي.