اللي يكذب كذب صادق
ده أكيد إنسان منافق
الموضوع مش في المرافق
اللي بيقولك يا بيه
ولا اللي بيقولك يا باشا
ولا يا سياده ويا إيه
الموضوع مهم جدا
هو كان بيقولها ليه
فيه اللي بيقولها خايف
واللي بيمصمص شفايف
وفيه اللي فاهم وعارف
وكاتم جواه اللي فيه
وفيه اللي طالب مناصب
وفيه اللي عايشها ناصب
وفيه اللي عايشها غاصب
والفقر بيدوس عليه
وفيه اللي طبعه الخيانه
وفيه اللي طبعه الاهانه
لكن بصراحه وأمانه
الموضوع أصبح سفيه
#بقلم حماده الشاعر
ليست هناك تعليقات:
إرسال تعليق