أنا راجل حر مثل الطير
................. وعمري ما هقبل بالتطبيع
عمري ما أقبل بالتهويد
.............. والتهديد والإهانة والتجويع
عمري ما أقبل بالتغفيل
........... والتضليل والتطبيل والتلميع
أيوه أنا مصري حفيد فرعون
................... عمري ما أقبل حقي يضيع
عمري ما أقبل أني أتاطي
..................... ولا أقول سمعا وأطيع
أنا مش هقبل أني أفرط
.......... في دم وأرض وعرض بالتقطيع
يومي ويومك وقت قريب
............... . يومها هشوفك تحتي رقيع
يومها هتطلب مني العفو
.........وهتترجى وهتتوسل في التشفيع
يومها أنا هاخد طار الكل
.........ووقت الطار كله مرار فزع وتفجيع
يمكن شكلي يبان لك طيب
................... بس الطيب ضربه وجيع
أنا راجل مش عاوزه كلام
........ أنا لا منافق ولا كذاب ولا وضيع
أنا مش هقبل أني أخون
.............. ولا أهون ولا أكون زي وديع
أيوه بقولك أسمع مني
........... أيوه أنا مصري وعمري ما أبيع
#بقلم حماده الشاعر
ليست هناك تعليقات:
إرسال تعليق