طبعك مكر ودهاء
..............
عارف أنك خداع بتبيع
طبعك مكر ودهاء
وأنا قلبى بالحب ينابيع
بيفيض اخلاص ووفاء
خايف على قلبى الوديع
يضيع فى هواك هباء
ليا رجاء قبل ماتخون
فى أساك كون حنون
وأرحم فى هواك الظنون
يمكن يكون لينا لقاء
اللى خان ملوش مكان
لو كان قلبى فأيديك
ولا يوم يجمعنا مكان
ياما هان قلبى عليك
لو عاد بينا الزمان تانى
راح اقولك خليك مكانى
دوق عذاب قلبى وحرمانى
ودموع بتسيل سيل بسخاء
القلب هاجرتوا ولوعتوا مارحمتهوش
الحب خنتوا وضعيتوا ماصنتهوش
العين ياما سهرت ليالى
كان سؤالى اللى مسألتهوش
لو فيوم قابلته ولقانى
بأسم الحب جاني يترجاني
أسامحه ولا ماأسمحهوش
ازاى اسامحه تانى
بعد ما باعنى ورمانى
وخلي ليلى أنين وبكاء
أنساه ياقلبى متأمنلوش
ده طبعه مكر ودهاء
........
ليست هناك تعليقات:
إرسال تعليق