ونيت ونة ! حزن
وبدارك بعد م الفيت
تاركني ليل أو نجم
أنشد مواويل أو شعر
ظليت مناطر كهوتي
دكيت وش تميت
فاير أنا مثل الجمر
مثلك أنا !!! م لكيت
جم صورة مثل ( صورت )
وتعاتبت !!! وشكيت
وأنت ولا ع بالك بعد
جني أحس !!! مليت
ياريتني كبل الوعد
ماشفتني أو لا شفتك
أو لا كربت !!! حبيت
ليش أجرحت ليش ( أهربت )
داويتك أو !!! مدويت
تالي ما تالي ( صفت )
دم أبصدرك !!! أتحنيت
حناء شعرك والزلف ( يامحلا )
الوجه !!! جكليت
والطول فرع الغصن مال
أو ألة !!! أشتاكيت
الصيف ولى أو رحل
وشتاي دونك بعد
ما ينلفي هل !!! بيت
معقولة كل هذا الجرى
وبحالتي ! مدريت
أشلون أشرح حالتي ولمن
أسولف ! جيت
بغداد مثلك بعد ونت حزن
وبجيت
،،،،،
تحياتي
عبدالسلام رمضان
ليست هناك تعليقات:
إرسال تعليق