((((( يعني أيه ))))
يعني أيه ... أن ف يوم أقدر أظلم روحي
وقلبي وأنساك
يعني أيه...أشتري م بكرة الندم وأروح أبيع
اللي فضلي معاك
يعني أيه..تفضل دموعي ملهاش سيرة لهواي
غير ذكراك
يعني أيه...أجري على سراب طيفك واشرب
من نبع جفاك
يا خسارة نفسي...لما ترسم م الوهم صورة
بهته لسلواك
يا خسارة نفسي...لما أشوف ف مريتي دمعه
تحكيلي عن هواك
يا خسارة نفسي...الحسرة فيها ب تصرخ
للود ليه بتحجر عني مناك
يا خسارة نفسي..لما الشوق يبكي طيره ويروح
يدور ع صداك
وأيه العمل...لقلب تاه حسه ودف نبضه ما يحس
بـ طواك
وأيه العمل...لغربه وخداني لدنية أسى بعيشها
ف هجراك
وأيه العمل...لصبر رمى حمولة وأتمنى ارجع
تاني لدنياك
وأيه العمل...للقلب اللي بعد ما باعك راح يتمرغ
ف جف ثراك
وعجبـــــــــــــــــــــــــــــــي
********** يحيى نفادي سيد
ف 13/11/2021
ليست هناك تعليقات:
إرسال تعليق