يا سلام لما الحماقة
تبقي فرض وتبقى عادة
والشوارع طافحة عايمة
في مواسير البلادة
والأسد يبقى زرافة
والنملة تصبح جرادة
والصيام يفتح بيبانه
من صفر حتى جمادى
و موت السكات
للأسف يبقى شهادة
والقيامة تبقى نصبة
والجنان تصبح رياضة
وكل شيء متفصلاله
الله عليك يا شيخ حمادة
الله عليك يا أبو الفقه الملون
وعلم الأصول زي الحدادة
واللي يغلط مرة تانية
كلاكيت نعملوا مشهد إعادة
يا سيادة الشيخ الموقر
قول لي إيه مغزى العبادة
غير إني اعاملك وتعاملني
بشيء من الرحمة وزيادة
لا ربنا محتاج عبادة مننا
بس نرحم بعضنا هى الإفادة
والتراحم والتواصل والمحبة
هى فلسفة تلك العبادة
المحمودي
ليست هناك تعليقات:
إرسال تعليق