$.. وليد اللحظة .. $
بقلم / عماااد الأبنودي
••••••••••••••••••••••
وليد اللحظة ياااا حرف
مولود في ساعة إرتجال
نفسك تشق حصون و تفر
وتعلا فوووق المحااااااال
عندك صبر يدووب صخر
ويوماتي تصاف ألف تحدي
إمتي يلعب معاك الزهر
و الحظ يقولك قرب عندي
سعتها هترقص ع المزيكا
و تغني يا عيني مع المقامات
ويا الصبا و حلاوة السيكا
و تعزف بيهم أحلي الغنوات
يالا ياااا حرف أعلن ذاتك
نوه كده خليك شجاااااع
عوض كل اللي مر و فاتك
و خطي دروب عنوانها ضياع
و إكتب كلمة تحمل معني
تعيش بعديك سنين وسنين
ان شاءالله تكون جملة بغنوة
تفرح قلووووب المغرمين
ما أنت سفير و نبض الكلام
لما الناس دايما تناديك
بتكتب رسايل حب وسلام
ثقة و أمانة كلها فيك
خليك جرئ و ما تخجلش
وقت ما تبقي رسول الغرام
و إحكي بجراءة و ماتتغيرش
عن اللي داير في الهيااام
و إعبر ساااافر عبر الحدود
وصل اااالود ويا الوصال
و بلغ اااالأشواق بالورود
وقول للحبايب بعادكم طال
بقلم
عماااد الأبنودي
20 - 11 -2021
ليست هناك تعليقات:
إرسال تعليق