#الحالةزيرو
#كل
الحالة في الزيرو..
وطريقنا مش هادي
في ناس كتير والزحمة
بشكل غير عادي
متأخرين يا ناس
في الكلمة والاحساس
دا النبض على الحساس
والحالة في الزيرو...
...
وسع واركن يمين
في طريقنا مش سالكين
مع بعضنا... لا كلنا
في الجرح معلمين
متأخرين يا ناس
والحالة في الزيرو
...
دوشة وهري وصداع
والكل بقا بياع
مين اشتري منك
وسيبلك الاوجاع
متأخرين يا ناس
والحالة في الزيرو..
...
كله بيحدف شمال
وبيتوزن بالمال
وضميرنا بقا فالصو
متعبي جوا شوال
طريقنا مش هادي
بشكل غير عادي
بقا كل عالفاضي
والحالة في الزيرو
...
ايمن شتا
ليست هناك تعليقات:
إرسال تعليق