قصيدة شعبية تحت عنوان{{الف عين عايزة... تدمع}} بقلم الشاعر المصري القدير الأستاذ{{صالح منصور}}

الف عين عايزة... تدمع 

الف اه عايز كل الكون.. يسمع 

الف صراخه عايز تخرج.. 

من غير وداع.. 

يمكن ترجع في الغناوى ضحكتى.. 

يمكن تعود الخطاوى التايه لسكتى 

يمكن في ليل المدحين الاقي ضلتى 

يمكن في وسط المجروحين الاقي غنوتى 

يمكن اشوفك تانى يوم وتبقى فرحتى 

فكرة لما صرخت فيك يوم.. 

وقلتلك متعيطيش.. 

 فكرة لما رميتى في حضنى كل الهموم 

وقلتلك متخفيش.. 

فكرة ايدى كل يوم وهى بتسلم عليك

كنت خايف يجى يوم افكرك.. 

وانت تانى متفتكريش 

ان بينا كان حكاوى مفرحه.. ومولمه 

كان ما بينا قصة حب حنينه 

كان مابينا احلام وانغام واوهام 

كان مابينا حاجه هى ايه... 

متفتكريش.. اصل الحقيقه 

دايما... مولمه 

                        صالح منصور