كم أيد بتتمد . محتاجه
للي يجبر بخطرها بأي حاجه.
بكلمه حلوه أو حتى إبتسامة.
أوشيء بسيط.يسيب علامة.
على الوشوش. وماتخافوش.
اللي بيعمل خير بيلاقيه.
يوم القيامة.
لما تقابلك طفلة مسكينه
بتمد لك منديل.
والدمع في عينها محبوس
ونفسه يسيل .
طبطب عليها .وواسيها
متكسفهاش .ارجوك بلاش
تهملها وتبقى بخيل.
لولا إحتياجهم ما مدو إديهم.
يمكن باعتك ربنا ليهم.
كل واحد وليه ظروفه.
متقهرهوش وتزيد في خوفه.
بقسوتك .وكبريائك
لأن ربك عالم بيك وبيهم.
متقولش عليهم متسولين
كلنا في الدنيا مشردين.
ومحتاجين اللي يعطف علينا
وعلى بر الأمان يرسينا.
كلنا راحلين. ولو زرعنا
الدهب فدادين.
.
قلمي الشاعر.السيدمحمدالدالي
ليست هناك تعليقات:
إرسال تعليق