كلمات الشاعر الفنان رزق جادو
مصر .. دمياط
( انا صلاح )
انا اللي اهلي ربوني
على الحب وع الإصرار
وأبويا قالي يامحمد
انا عاوزك تكون مغوار
ودوس ع الصعب ماتخفشي
عشان توصل مع الشطار
ومهما كبرت ووصلت
ما تتغرش في أي حوار
ووصيتني كمان امي
على اهلي وحق الجار
ولفعل الخير اكون بادئ
لحد آخر المشوار
انا مصري انا عربي
انا ابن القرية والدار
أنا ابن مصرنا الغالية
بفكر فيها ليل ونهار
أنا مسلم انا مؤمن
بحب الجنة وأخاف من النار
بحب الناس ومن قلبي
وربي عالم الأسرار
وبدعوا ربنا يزيدني
واكون لوطني إبن وبار
وبدعوا ربي يحميني
ويحمي بلادنا م الأشرار
وبدعوا ربي يحفظنا
ويبعد عننا الأضرار
ويكون في بلادنا ألف صلاح
وألف زويل .. وبيج رامي
مصر بلدنا نور ونهار
العالم كله فينا إحتار
كلمات الشاعر الفنان رزق جادو
مصر .. دمياط
ليست هناك تعليقات:
إرسال تعليق