شبابيك الحزن
...................
شبابيك الهم مفتوحة ع الآخر
وأنا ماشي رصيف الحزن من....................................................... شارع إلى شارع ............
زراير قميص الحزن مفكوكة
ونبض الصدر يفط من قلبي
يا زمن رَوَّح ومش راجع
أنا اللي بت مش مرتاح
ومش للفجر بتاخر
عشان يقعد معاي من الآخر
أنا الموجوع بليل واجع
يا سيف الحظ يا مقطع
على خشبة مسارحها
نصيب البخت والطالع
يا فاس الحظ ازرع لي
أمل طارح ومن فضلك
تخليلي عنب بكرة
من امبارح
ولو بالوهم خليها تنسيني
وخليني أعش واهم
ومش فاهم
ايه العلة والمانع
ياطير الشعر يا مروح
أنا شاعر
ولا في الحق مش شاعر
جرس يخوت بصوت مزعج
ولا أنا ممكن اكون واعظ
ادان واقف بيندهلك
على كنيسة أو جامع
المحمودي
ليست هناك تعليقات:
إرسال تعليق