قصيدة شعبية تحت عنوان{{إليك}} بقلم الشاعر التونسي القدير الأستاذ{{الهادي عباس}}

----------   إليك...!    ---------

بلّغت المشاعر

مع الكلام مزجت..

وصمدت ضد اليأس...

وتصدٍّيت...

كنت صادق...

ومعاك اللّيالي سهرت

علّقتلك بالورد...

ما رديت...!

...................................

علّقت لك بأشواقي...

وتخيّلت معاك القرب...وتمنيت

وكانت معاك...واضحات أوراقي

وكل القديم عليك ماخبيت...

وسطرتها مشاعر ...

من أعماق أعماقي

وصدقتها وعود...

الكل ما شكّيت

وكان ودك في كنيني باقي

تحملت سهر الليل...

بيه رضيت...

لكن جفاك زاد في إرهاقي

علّقت لك بالورد...ما رديت !!!

...............................

علّقت لك بحقيقة...

ما قريت كيف الغير...وتعدّيت

لا صورة يدّ...صفقت تصفيقة

ولا تجاهلت الكلام...

بالعكس زدت قريت

قلبي مشتاق...

زدت في تشويقه

ومعايا حبّ...كل ما حبّيت

إسمك فقط...

يجلي علي الضيقة

صورة جميلة...

في الذاكرة ما نسيت

صادق في حبي...

وعاشقك بحقيقة

علّقت لك...بالورد ما رديت!!!

..............................

بلّغت المشاعر

مع الكلام مزجت..

وصمدت ضد اليأس...

وتصدٍّيت...

كنت صادق...

ومعاك اللّيالي سهرت

علّقتلك بالورد...

ما رديت...!

           

                            الهادي عباس - تونس