وإنتي بمثواكي
..................
حتى وإنتي بمثواكي
بفتكر يا أمي نصايحك
بتمني أنول رضاكي
بقلبي راسم ملامحك
بسمع صوتك يناديني
جوه عيني صورتك
أحس بحضنك يدفيني
ياخدني حنيني لرؤياكي
تسأليني أخد ودي وياكي
سامحيني مقصر معاكي
وإنتي يا أمي بمثواكي
نفسي كل يوم أزورك
أو أسكن جمب قبرك
وعينيا تتملى من نورك
أنتي هناك وآنا بقربك
وآنا بريحك أطمن عليكي
انسى الدنيا وآنا وياكي
نعيم الدنيا وآنا بناديكي
يغمرني حنانك برضاكي
وإنتي يا أمي بمثواكي
يا أمي لما الدنيا تضيق بيا تضميني في حضنك بحنية
تمسحي دمعتي تهدي روعتي
تلمسي وجنتي تطبطبي عليا
يا أمي جنتي إيه غير رضاكي
فعيني صورتك ديما بلقاكي
مين حامل همي سواكي
فالدنيا وإنتي يا أمي بمثواكي
..........
بقلم.الشاعر
الأمير_محمود
ليست هناك تعليقات:
إرسال تعليق