(( المسحراتي ))
مسحراتي مطبلاتي
لسيرة النبي ف كل درب
بقول موال
مداح ف حب الحبيب وخيرة
الكلام لمقامة عشق
مالوا مثال
اصح يا نايم وحد الدايم
سبح بحمده وبارك
رحمة ذي الجلال
أبعد وسواسك وسلسل شيطانك
وشوف جنة صيامك تلقاها
ليك مآل
بارك سحورك ونادي
صيامك وادعوا ربك زى
الرسول ما قال
وصلي فجرك واسعد قلبك
بصبح يملي النفس
رضا وجمال
مسحراتي أنا طول عمري
ومن صوتي بنادي حسناتي
وربك يكرم الحال
من كل صايم شايف
شفاعة وقبل الفجر
ألاقي راحة البال
من رمضان لرمضان العمر
يجري وأنا ديما رحال
ألف بلاد وأشوف بلاد
المدح سفنتي والربان
طبال
من كل حارة وكل جامع
صوت طبلتي تسمعها قلوب
تقيه تسبح بالحمد والابتهال
اصح يا نايم بارك صيامك
واحسب لعمرك عديت
فيه كم هلال
مسحراتي و السحر مدنتي
بعلن عن الخيط الأبيض
يحسب طاعة النفوس
ومنى الآمال
اسمع أهات العليل يناجي
ربه ورضا الصبر م قلبه
دقات أشد م الزلزال
ومن أخر المطاف القبلة
تجمعني والطبلة يصوم صوتها
وفطورها قبل الفجر وأنا جوال
&&&&&&&&&&&ــــــــــــــ
يحيى نفادي سيد ف 23/4/2021
ليست هناك تعليقات:
إرسال تعليق