وبكره هتشوفه
بقلم ماجدة البهيدي
===========
ولسه الأمل طارح
برغم اللي بنشوفه
لا القلب يوم صدا
ولا مل من خوفه
بغزل خيوط الشمس
في الصبر بحروفه
اوعاك يا حزن لا تيجي
في طريقي ودوسه
الفرح خدنا عليه
وبندادي ونبوسه
لجل ان يوم يفضل
ومن تاني هنعوزه
لكنه مش صابر
يشرح لنا ظروفه
الدنيا دي منفاتة
ولا فيها شيء دايم
غير بس قلب سليم
و اللي مكتوب لنا
هو اللي هنوله
لا اليأس يوم طالنا
ولا شيء يكدرنا
وإن يوم صدفنا المر
هنعدي ونطوفه
عارفة انه جاي تاني
يقابلني بدفوفه
عندي يقين في الله
مهما يسوء، ليلي
بكره يكون احلى
وهيدق على بابي
وجايب معاه الخير
وبيمد لى كفوفه
والقلب هيخضر
ويفرش طريقي ورود
وبكره هتشوفه
والله فرجه قريب
ومهما يطول البعد
الفرح هنشوفه
:
#ماجدة_البهيدي
:
الاربع 2022 /6/4
ليست هناك تعليقات:
إرسال تعليق