بقلم يوسف ونيس مجلع -- ايطاليا بريشيا
اصدقائي الاحباء بمناسبة اسبوع الالام كلمة بالعامية بعنوان -- حنانك وحبك --
حنانك وحبك دول قد ايه ----------- ما كانش ذنبك وحاسبت عليه
هوانك وجلدك رضيت بيه ------- وجلالك فى صمتك ماقولت ليه
---------------------------------------------------------------
اللى هانك ولطمك غفرت ليه ----- حتى اللى نكرك برضو شاريه
بصبرك وجلدك والمر فيه -------------- تممت وعدك لادم وبنيه
---------------------------------------------------------------
ناديت بالخير المحتاج تعطيه ------ شافيت الضرير وشاف بعينيه
طريح السرير مشى برجليه ------ اسير الشرير حررته من ايديه
---------------------------------------------------------------
ملك الملكوت في مجد علاه --------- بوداعة وسكوت وطول اناة
عبرت الصلبوت زى الجناه ------- و ذوقت الموت و انت الحياة
---------------------------------------------------------------
الشمس غابت كساها السحاب --- رحمتك زادت وكسرت الحجاب
ونعمتك فاضت وبقينا احباب -------- و ما عاد بينا سور ولا باب
---------------------------------------------------------------
علمتنا ازاى تهون الجراح ------------ فهمتنا ازاى يكون السماح
نولتنا ابوتك و حضنك البراح ------- وهبتنا بقيامتك خلود الافراح
بقلمى يوسف ونيس مجلع --- مصر
ليست هناك تعليقات:
إرسال تعليق