الليلة
احمد صبري
انا الليلة وبكره خلاص
انا عارف مافيش اخلاص
ومش طايقك ومش عايزك
وجوه ف قلبي مش شايلك
ولا عاشقك ولا حاجة
ولا انتي حبيبتي محتاجة
مانيش فارق ولا فارقة
انا مفارق مافيش حرقة
مافيش للبعد اي اثار
يجوز القرب منك نار
يازي الشمس تحرقني
ياضي خلاص مايلزمني
الليلة
ولا كل ليلة
والشيلة متشالة
وكلمة ف قلبي يا حبيبتي
لساها متشالة
اقولها ولا بناقصها
دا كلها ليلة
تعديني اعديها
الصبر يا جميلة
دق الرحيل ع البيت
مالحقت اقول حنيت
ليكي انا غنيت
عملتي ايه عشاني
وهمتيني بحكاية
وبدأتيني بنهاية
ملكاش نصيب ويايا
شوف لك حضن تاني
الليلة جاي اقول لك
مش عايز انام في حضنك
مابقاش يفرحني
مابقاش يريحني
بقى عامل زي نار
سكين
بيدبحني
انا الليلة خلاص ماشي
مهاجر كل ميادينك
سايب لك غنوة من قلبي
مدفونة وسط عاشقينك
ليست هناك تعليقات:
إرسال تعليق