بقلم الشاعر /محسن عبدزيد العرباوي
( شعر شعبي )
《 ضاع التعب وياك 》
عزيز الباعني وبدون ........ أسباب
شريد أعتب عَليه وحاير ..... بأمري
كَلت أعزاز عندي وألهم .. الضحيت
للواشي باعوني وما قَيموا سعري
رج بيه الظهر كَمت أنتجي عالظيم
بنيت بيت لغيري وهدمت . قصري
أصفن وأدور ع اليخيط .... جروح
بديت من الصفر وشبقه ...... بعمري
وكَالولي أرحل. وأعلن ........... فراك
طعناتك كثيره وانته ....... ماتدري
تأَمَلت خير وكنت ........... وهمان
وحفرت النهر بيه العذب .... يجري
ومن شَب الزرع هم ذمني هذا وذاك
وصار المال عدهم ويامر .... وينهي
يامال التريد وتأخذه ............ وياك
والمعلوم بس الجفن وياك ... يسري
------------------------------------------
ليست هناك تعليقات:
إرسال تعليق