عامية مصريه
واحد قهوة
و واحد تاني
انا والقهوة لكن تايه
عن عنواني
شايف نفسي غريب
عن فنجاني
حتى الخطوة عن حلمي غريبه
على فين وخداني
واحد قهوة
لكن مش على كيفي
عايش بردي في عز صيفي
لابس نص لكن الجو خريفي
كتير نفوس حواليك أشواك
لكن الوش قطيفي
واحد قهوة
ولا كان على بالي يوم أطلبه
هم الروح منين مابروح
و امتى أغلبه
حتى مر القهوة مكتوب عليا اشربه
تحلم بالسكر لكن نكهة المُر ما أصعبه
واحد قهوة
و ده حال الدنيا معايا و مع غيري
ابني العش لكن يرحل الفرح مع طيري
الدفى حضني والبرد ليه منهم مصيري
الضحك في الحياه شفوي
و الحزن واقع تحريري
واحد قهوة
بقلمي حسن سعيد مرسي
ليست هناك تعليقات:
إرسال تعليق