على ناصية الشارع
***************
بقلمي : عادل عبد الرازق
*********************
على ناصية الشارع
واقف وحدي أغني
سيًل جرحى ف حجرك
ما سمعتش غير ضحكتك العالية
زادت مساحات الشارع
ضاقت مسافاتي ف قلبي
ما سألتيش حزني ده ليه
مسألتكيش إيه غيًرك
إنتي
ولاً انا
ولا القدر
…
ضل ً حصاني شوارع الحيً
مانا لو فارس كنت وصلت
بصيت ف عينيكي تاه الضيً
ولقيتني ضرير وفي لحظة وقعت
دبل الصفصاف على نواصينا
وفي حوارينا مشيت وتعبت
حتى وصلت لآخر الحارة
شهقت غربان الضلمة فخفت
وكأن شيء جوايا انكسر
…
بيني وبينك متر وشبر
بس الفرقة مابينا بلاد
مرً مغني عجوز قدامنا
قال ده الموت مش ده ميلاد
عرفتك لكن سرابات
عشقتك لكن سحابات
غرقت ف بحري وناديتك
ولا سمعتني مراسي عينيكي
والشط خان وغدر
…
طريق واحد بيني وبينك
بس اللي مابيني وبينك غيم
لا انا شايفك ولا شايفاني
ولا قادر أعيش محروم
ماعرفش ليه ماعرفتكيش م الأول
ماعرفش ليه مافهمتكيش م الأول
وفي وسط أحزاني سألتك ..
ماعرفش ليه كنتي بتضحكي ؟!
وانا واقف ابكي تحت المطر
وقلبي قدام عنيكي
بيحتضر
على ناصية الشارع
بيحتضر
***
عادل عبد الرازق ،،،
ليست هناك تعليقات:
إرسال تعليق