خماسيات ضباب
ياشمـس غايبه يـاقـــمر مخنـــــــــــوق
كرهت ابــص من مكــــــــاني لفــــــوق
الشوق قتلني من بعدطول الشــــــــوق
ياسمرة ياللي هـــــــــواكي حيـــــــرني
أنــا اللـــي عاشقك بس مش معشـــوق
***
رسمت ليكي الجنــــه في الأحــــــــلام
ومشيت عشانك ايــــام ورا ايـــــــــــام
وعبـــــــــــــرت فيكي مـــــن آلام لآلام
اتاري الحلم ليكي من زمــــان ممـنــوع
وانااللي لسه عبيط عايش على الأوهام
***
باموت يوماتي بنفس اختناق المـــــوت
اناروحي جوايا داموتي يعني السـكوت
واصرخ ليلاتي وصرختي بـــلا صـــوت
لانا قـــادر في يوم اكـون أيــــــــــــوب
ولاحتى يونس جــــوه بطـــن الحــوت
***
وباغني ليكي رغم القلــــق والخـــــوف
ومــن غنوتي نبـض الأمــــــل محذوف
واكمني صادق غنـايا مـانيــش معروف
وياما غنـــاوي دايــــــره ع الفاضــــــي
لابتداوي جــريح ولاتسعــف الملهـــوف
***
ولســـه الضبــــاب ع الصـــــوره بيعتـّم
وبقيت جبان قـــوي من الجرأة متيتـّم
ويفيد بإيه العلـــــم والجهـــل متحــكم
انــااللي عــــايش جـــــوه قبـــر كبييير
والدنيا من عماها علـــى خبري بتكتـــم
***
وبرضه ماشـي فـي سراب مفــتووووح
نساني يأس الحقيقة عناوين الطمــوح
كــل شــيء غــــالي أدام عينيابـيـروح
والدنيا فيهــا الصــح متشقلــــــــــــــب
وبابهـــــا علـــى كل الغلط مفتـــــــــوح
***
ياروح مابعدك روح مـــوتي وارتاحـــي
وريحيني معـاكي من حزني وجــراحي
ليلي معاكي طويل ماوصلش لصبــاحي
الناس تنام الليــــــــل وانا وحــــــــــدي
مع الهموم والألــم طــول المسا صـاحي
***
سامحيني يانفــــــسي دانا مكســـــــور
واللي انكسر بيخطــرف كمـا المأســــور
الدنيا ظالمه وضلمــه مافيها طاقـة نـور
انا زي خيل ملجوم بيجــري فـي مكانه
برالأمان والمنى بينــي وبينـــــه السـور
***
انا طير ضعيف مــن الريح فــرمن عشه
ودا هشه ودا داســــه ودا نشــــــــــــــه
انا البـريء اللي صـــوت الأمـل غشـــــه
انا اللي تايـــــــه في البـــــلاد بلا قيمـه
اناللي رعب السنين عشــش على رمشه
***
يارب انت الأمل ومافيش أمــــل غيرك
والدنيا دي كلها عايشه مــن خيــــــــرك
راحة العباد والسعاده بإشــاره من ايدك
اجبر اوام كسرنـا بالعطــــف والرحمـــه
واكسرصخور الظــلام بلمسـه من نورك
•••
رباعيات
شاعر الإحساس
رضاعبدالحميدحسن
ليست هناك تعليقات:
إرسال تعليق