ف البداية...
كل شئ حلو وجميل
بعدها..
يبدأ التفكير..
ويسهرك الليل الطويل
تدخل شوارع المعركة
خايف تكمل تنجرح او تموت
من سهم الكلمات، الأفكار
الشك، عدم التفاهم
وخايف تتراجع،، وبعدها الندم يصيبك،،
انك تركت حبيبك.. يتوه ف زحمة الحياة..
ويبقي الصراع...!!!
بين القلب والعقل
كل واحد بيشدك لتسير معه
وف اتجاه معاكس للآخر
وانت مسكين...
عايز ترضي الطرفين
وكمان عايز تعمل الشئ اللي بتحبه...
وزيد عليه دور المجتمع والناس...
اللي عاداتهم وتقاليدهم
هي اللي بتفسد حياتنا
م الأساس..
نحن ف سجن كبير
وبداخل السجن سجون صغيرة متخصصة
مهمتها منعنا من الحياة
من الحرية،، من الابداع،
من الابتكار والاكتشاف
يرسمون لنا خط مستقيم
ممنوع أن نخرج عنه
يريدون ان يكون كل الناس نسخة واحدة
وهذا هو السبب في تأخرنا
مئات السنوات..
عن باقي المجتمعات المتحضرة...
لابد ان نكسر قيود الجهل
وننطلق،، نخرج من السجون
ونكتشف سر الحياة من جديد...
لنتذوق جمالها وسحرها
ونوازن بين القلب والعقل
ونعيش ف سعادة وسلام.
(ميرڤت ناشد)
ليست هناك تعليقات:
إرسال تعليق