قصيدة/تعـــــــــــود لينا بخير وأمان
بقلم الادبية/نيفار أحمد عبد الرحمن
يــا مــاشي والقلوب وياك
بتبكي عليك بحرقة كمان
سرقنـــــا الوقت ليه بدري
جريت وبسرعة يا رمضان
يا ضيف غـــــالي وبنحبك
يا شهـــر البركة والاحسان
قلوبنـــــــــا عليك بتتقطع
يا شهر الرحمـــــة والقرآن
أمــــــان عليك ما تنسانى
تعـــــــود لينا بخير وأمان
ومين فى الدنيا ما يحبك
يا ضيف غالي من الرحمٰن
على عنينـــــــا اوام تجرى
ونرجــــــــع تاني للاحزان
ذنوب ومعـــاصي بالجملة
بنعملهـــــــــا بغير حسبان
هتوحشنــا يا شهر الفضل
يا رب اكتبلنـــــــا الغفران
وقوينــــــــــــا على فراقه
وثبتنــــــــا على اللي كان
فى طاعــــة الله ورحماته
ونجينـــــــــــا من النيران
يا مـــاشي والقلوب باكية
هنستنــــــاك فى كل آوان
بقلمي الادبية/نيفار أحمد عبد الرحمن
ليست هناك تعليقات:
إرسال تعليق