أرجوك تمشي
بقلم ماجدة البهيدي
============
أرجوك تبعد عني و تمشي
أنا للحب خلاص منفعشي
قلبي اتعود على الأحزان
حتى الدمع مصاحب رمشي
ابعد واوعى تقول بتحب
أصل الحب وجعلي القلب
خايفة عليك منه صدقني
لحسن تيجي تقع وتطب
أوعاك يوم تحلم بعيوني
ترجع تشكي يا ناس شغلوني
أهرب منهم لما تشوفهم
علشان ما تقول دول ظلموني
أياك مرة تقول وحشاني
شوفلك حد يحل مكاني
أنا حظرتك تبعد أهو
علشان متجيش يوم تهواني
أصل أنا فيا سحر عجيب
اللي يقرب يبقى حبيب
وانا عن نفسي معنتش عارفة
حلو ده ولا يبقى ده عيب
يا بن الناس عايز أيه تاني
امشي وروح أبعد وانساني
انا لا مكاني يبقى مكانك
ولا قلبك سكني وعنواني
أوعى تقرب قوي كده مني
أوعى لقلبك يبقى حابيبني
حاسب يجي عليك الدور
وتيجي تقولي ده غصبن عني
انا والله اتعذبت كتير
أديت حب بدون تفكير
خدت أنا أيه بعد الإخلاص
غير حيرة وقلة تقدير
كل يومين تروح وتجيني
تنده قلبي وتشغل عيني
بس خلاص راح أسك الباب
لعلى غفلة قلبي يسهيني
أمشي وسيبني كفاية جروحي
عايزة لوحدي الملم نوحي
قلبي أنا فيه اللي مكفيه
حتى أنا والله ما دارية بروحي
السبت 2022/11/26
:
#ماجدة_البهيدى
:
ليست هناك تعليقات:
إرسال تعليق