هو حرف جنب حرف
وسطر حاضن سطر
ورقه بتعشق ورقه
وزي ماقال الكتاب
نقطه بتجر نقطه
تعالي نصور اللقطة
نسمة عاشقه السحاب
هو يعني عشان نحب
لازم نسيان
لازم بعاد
لازم عذاب
ولا عشان نحس الحلاوة
لازم حبة قسوه
وعشان تحس الغلاوة
الاول نحس العتاب
هتصدقيني لو قلتلك
نسيانك مستحيل
نسيانك لا يعني الغياب
غايبة .. حاضرة
مش مهم
الاهم حرفك هو حرفي
سطرك نفس سطري
مش مهم مين فينا
مؤلف الكتاب
الخلاصه وبامانه
ترسميني حرف شوق
اجري بسرعه ارسمك
تكتبيني احساس جميل
بكل حواسي اكتبك
ولما تنادي بسمع نداك
وساعة سكوتك بفهم لغاك
ولما تغيبي
ولما تعندي
برضو احساسي ديما معاك
الشاعر احمد عبدالحق
ليست هناك تعليقات:
إرسال تعليق