نظرة
____
بليل شارد وقلب حزين
بيرسم بوح
عيون الشهقة الأولى
ويوصف صمتها المكتوم
عيون باتت تلاحق طيف
بأرض فضاء
ومين عاش الحياه وردي
خلاص العمر بيعدي
تنادي عليه ما بيعبر
ولا يقدر وبيجرجر سنين فاتت
خلاص ماتت وعايشنها
وفاكرينها تدوم العمر
يا ناس الدنيا دي فانيه
مفيش ثانية وعشناها
بتاخد روحنا جواها
بتتمنى تعود تاني
لعله نتوب
ونفرط عقد كبلنا
ونقطع خيطه المكذوب
فيتفرفط سواد ناقع
بلون فاقع
يا رب الستر من عندك
فإسترنا بجميل الستر
بقلم/وافي إسماعيل الشلبي
ليست هناك تعليقات:
إرسال تعليق