هو غرامك زي غرامي
مهما تقول..مهما هتكتب
برضو كلامك..مش زي كلامي
بحبك ايوه بحبك
أنكر ليه..طيب وده من ايه
كل مرة اشتاقلك فيها
احس بحضنك واجري عليه
اقولك حاجه ولا انت تقولي
هو غرامك زي غرامي
ولا حروفك زي كلامي
يكنش ده الحب
اللي ياما سمعنا عليه
يكنش غرام
ولا شعور مع احلي سطور
ولا عيون متكحلة بكلام
كل الشعراء مهما انكتبوا
حرفي انا فارق
كل اللي عنده دقة زيادة
قلبي انا صادق
مهما تعيشوا..مهما تحبوا
برضو انت فارق
قلت بحبك مليون مرة
هفضل اقولها
كل ما احبك بحبك اكتر
مرة بطعم حتة سكر
ومرة شهد بس مكرر
وانا لو هقدر
اغزل من احساسي مشاعر
واعزف ليك لحن عيونك
اصلي انا شاعر
وارسم شامة تزين خدك
اصلي بحبك
كل مااحس اني انا عايش
احس بقلبك
وكل مااحن
كل شويه احن انا ليك
احس بنفسي بجري في دمك
عارفه حبيبتي بحبك ليه
من غير ليه
بعد غرامك المزروع فيا
محتاج ايه
بعد كلامك المكتوب بيا
هكتب ايه
هرسم ايه
كفايه كل مااحن حنانك
احضن قلبي
الاقي حنانك نايم فيه
ممكن حاجه قبل ماامشي
هو غرامك زي غرامي
ولا كلامك زي كلامي
ممكن مرة تجاوبني
ليه كل مااشتاقلك
احس بحضنك
اصلي بحبك
امسك قلمي اوصف حبك
والآخر والله مبقدر
اوصف اللي انا حاسس بيه
احمدعبدالحق
ليست هناك تعليقات:
إرسال تعليق