اصفن وألتهي بطاريك
وبنص صفنتي وياك
الهي الروح بطيوفك
وارد أصفن
طيفك يغلي بظنوني
وسراب يمر خيالك
من يرف جفني
وضمك حلم بعيوني
ويندهني الحنين
وانتبه للشوك
واكتبلك رسايل
بيها شوكي انجن
ريت الصفنة بيك تطول
ؤاحلم وي طواريك
واظل اصفن.
تعال وشوفني بصفناتي
بيا شصار.
اهيمن فوك جنح الشوك
ادور على اثر ذكراك
وعلى مركب ركبته هناك
بي سولفنا اني وياك
وكتبنا للوفا جلمات
وكتلي ابد ما انساك
وجفوفي تشابج
جفك بعصرات
شاغت من ندى جفوفك
شفافي ولثمت المخصر
هم تنسى حبيبي شلون
دنينا الكلوب
ونسمع الدكات
وكلبي دلى كلبك
ياهو حبه اكثر
شميتك لحد
ما مني نفسي ضاك
وتمنيت النفس
ينكطع عل المنحر
اموتن عل نحرك
واني اشمن بيك
من روحك يروحي
الروح تتعطر
كل هذا حبيبي الصار
واني صافن ومحتار
ليمتى يظل خيالك
معتني خطار
تعال وشوفني بلياك
صفناتي غدت جمرات
من تحضن طيوفك
تنعس وتخدر
واصحى وارد أصفن بيك
واصفن وأرد پيك اصفن
عبد الكناني
ليست هناك تعليقات:
إرسال تعليق