(( رَاحْ هْوَاي )) (شعبي عراقي دارمي)
،،،،،،،،،،،،،،،،،،،،،،،،
يا گلب راح هْوَاي وُمَا بَعد إيِرِيدَك
والروح مشتاگه إله وُمَا منْ نَصِيبَك
يا هْوَاي ما لي ذَنِبْ وآنا ارد اعِيدَك
وُالعينْ ما بَطْلَت دَمْع والْگَلُبْ بِيدَك
أعتِب عَلى الأَيَّام بَلكَتْ تِِجِيبَك
ذَابْ گلبي مْنْ فَرگاكْ ياهو الْ يِجِيبَك
يا ريتني اكون وياك وابقى طبيبك
تبقى إنت نور العين وآنا ال ايفيدك
يا هْوَاي كافي زَعَلْ گُوم مْدلِي إيدَك
عَالْهَجِر ما ظل صَبر ما تْحنْ إلْ وُلِيفَك
رغم كُلْ ما دَار رَاح أَبقَى ارِيدَك
اشلُون الگلب ينطيك اتزعِْل حَبِيبَك
يا گَلُبْ لا تْنزِف دَمع وُبطِّل نحِيبَك
كُونْ اللّه ينطيني عُمُر وابقى خَلِيلَك
،،،،،،،،،،،،،،،،،،،،،،،،،،،،،،
الشاعر المهندس د، باسل الذهبي
العراق
حق النشر محفوظ، وفي حال التجاوز سيكون للقضاء
حكمه العادل
ليست هناك تعليقات:
إرسال تعليق