#مزاد
#كلمات_ايمن_شتا
جربت يكون قلبك شاري
ومشاعرك في مزاد متباعة
وعرفت عيوبهم وتداري
وقلوبهم سودا وخداعة
جربت خلاص كسر الخاطر
من ناس يامة جبرت خاطرهم
ووقعت هناك زي الشاطر
مع ناس كترت في اعذارهم
بتداوي جراحك وتلملم فيك حبة روح
بتشوف الذكرى وتتفرج في كتاب مفتوح
بقى سهل عليك انت تبعد وتفارق ناس
بتشخبط يامة باحساسك جوا الكراس
طب قولي ازاي قادر تكتب على اي اساس
وانت اللي مشاعرك متباعة من خلق رخاص
من ناس يامة جبرت خاطرهم
وقلوبهم سودا وخداعة
وعرفت عيوبهم وتداري
ومشاعرك في مزاد متباعة
جربت يكون قلبك شاري
وتلاقي مشاعرك دي بضاعة
...
ايمن شتا
ليست هناك تعليقات:
إرسال تعليق