$ ولا نص كلمة $
بقلم/عماد الأبنودي
••••••••••••
ما تستاهلش ولا نص كلمة
و إن أعمل منك حاجة مهمة
يؤسفني ..! أقولك إنك كلك
طلعت في نظري حاجة إلا
كنت فاكرك حضني و أماني
راحتي و سلامي ...
لما الدنيا تيجي عليا ...
اتاريك مش غاوي أبداً غرامي
و ملكش شيء موجود فيا ..
و بصبر روحي ونا مخدوع
و أحايل فيك يمكن تحن
و أنت توسع في الموضوع
عمال بتشكي مني و تئن
عمرك مرة ما حسيتني
و مخدتش بأيدي لأيديك
و أنت ده كله كارهني ...؟
و مش طايق روحي تكون ليك
خلاص أتحمل ....
و أطوي جراحي بأيديا
و لو عليا حأدوس ع قلبي
و أموت كل احساس بيا
و عادي خلاص راح أصدق
إن غرامك طلع كداب
و كل حججك مالهاش أسباب
هكمل وحدي بقيت عمري
مهما حنين الحب غاب
و إسمعها نصحية كده مني
بلاش تجرح في حد تاني
عيش لوحدك حيكون أفضل
لأنك أصلا إنسان أناني
بقلم
عمااد الأبنودي
2 , 7 , 2023
ليست هناك تعليقات:
إرسال تعليق