نفسي
____
نفسي ف يوم
اكون منك
اكون ليكى
انا المشتاق
ف محرابك
وقفت احكى
فضلت ابكي
ومن دمعي
اتوضا واصلي
يازهره منبته
ف عمري
لها جزور من قبلي
انا زادك وزوادك
انا حارس علي بابك
صنعت ارغولي
من غابك
ملعون ياحبيبتي
من غابك واغتابك
واللى ما شافش
قمر ليلك
ولا شفتين نيلك
ولا سهر عشاقك
نفسي ف يوم اقلع
عيون حسادك
يكفيني اكون منك
اكون ليكى
واحج لك يوماتى
واسهر لياليكى
واقف علي بابك
احرس اعتابك
واموت علشانك
يكفيني اكون
من محاسيبك
وعشاقك
الناقد
حمدى البوقى
ليست هناك تعليقات:
إرسال تعليق